प्रेश विज्ञप्ती

सन नेपाल लाइफ इन्स्योरेन्सद्वारा बीमा दावी रकम भुक्तानी

सन नेपाल लाइफ इन्स्योरेन्स कम्पनीद्वारा मिति २०७५ चैत्र १८ गते चाँगुनारायण न.पा.वडा नं ८ भक्तपुरको वडा कार्यालयमा मृत्युदावी भुक्तानी कार्यक्रम आयोजना गरी उक्त वडा निवासी वीमित स्व. यम कुमारी दुलाल खत्रीका हकवाला छोरा श्री उमेश दुलाल खत्रीलाई मृत्युदावी वापत चेक हस्तान्तरण गरीयो । कम्पनीका सुर्य बिनायक शाखाका शाखा प्रबन्धक श्री भुवन के.सी द्वारा संचालित कार्यक्रममा प्रमुख अतिथी चाँगुनारायण न.पा.वडा नं ८ का वडा अध्यक्ष श्री परासर सापकोटाबाट रु.२००००० को चेक तथा कम्पनीको सहायक महाप्रबन्धक श्री चुडामणि सुबेदी बाट मृत्यु दावी भुक्तानी सम्बन्धी पत्र हस्तान्तरण गरीयो । बीमित स्वः यम कुमारी दुलाल खत्रीले बिमालेख नम्बर ३०२००००००१४९ अन्तर्गत १८ बर्ष अबधिको सन लाइफ साबधिक जीबन बिमा योजनामा बिमाङ्क रु.२००००० जीबन बिमा गराउनु भएकोमा मिति २०७५/१०/०६ गते वहाँको मृत्यु भएको थियो । स्थानीय बासिन्दा, बिमा अभिकर्ता लगायतको उपस्थिती रहेको उक्त कार्यक्रममा अतिथि लगायत बक्ताहरुले जीबन बिमाको महत्व र सन नेपाल लाईफ इन्स्योरेन्स कम्पनीको बारेमा प्रकाश पार्नु भएको थियो । साथै प्रमुख अतिथीले समयमै सहज प्रकृयाबाट दाबी भुक्तानी भएकोमा कम्पनीलाई धन्यबाद प्रकट गर्दै सम्पूर्ण उपस्थित जनमा समयमानै जीबन बिमा गरी आफु र आफ्ना आश्रीतका लागि आर्थिक जोखिमको ब्यबस्थापन गर्न आह्वान गर्नु भएको थियो ।